अनुसया पुत्र दत्तात्रय
अनुसया पुत्र दत्तात्रय प्रा. अलोक पवार आजचा दिवस सर्व लोक दत्तजयंती म्हणून साजरा करतोच मात्र या सर्वामंध्ये जर कथा विशेष बघितला तर आपण सपशेल अनुसया नामक देवीला विसरतो. स्त्रियांचा विसर, स्त्रियांनी केलेल्या त्यागाचा विसर पडणे ही नवीन गोष्ट नसली तरीही आपल्याकडील पुरातन गोष्टींमध्ये, पुराणात, लेखांत जे सीता, राधा, लक्ष्मी, पार्वती आधी स्त्री देवतांविषयी गोष्ट आहे ती आपण लक्षात घेऊन त्याप्रमाणे भक्ती करणे गरजेचे आहे. कारण सर्वांना दत्तात्रय माहिती आहे मात्र दत्तात्रय घडविणारी माता सर्व जण विसरले आहेत तर आठवणीत आणण्याचा आजचा दिवस दत्तजयंतीचा. महान ऋषी अत्रीमुनींची पत्नी अनुसया. अनुसया ही अतिशय पवित्र आणि पतिव्रता म्हणून प्रसिद्ध होती. आश्रमात आलेल्या प्रत्येक पाहुण्यांचे त्या आदरातिथ्याने स्वागत करीत आणि त्यांच्या भोजनाची आणि संपूर्णच मानपानाच्या गोष्टींकडे लक्ष द्यायच्या. या आश्रमात आलेला एकही पाहुणा तो जरी भिक्षुक असला तरीही अतृप्त होऊन परत जात नसे. अशा अनेक ऋषीमुनींचे, भिक्षुक्षांचे, पाहुण्यांचे आशीर्वाद अनुसयेला प्राप्त झालेले होते. तिच्या पतीव्रता धर्माबद्दलही ती प्रसिद्ध होती. ...
